Intervistoi E. Sina
– Si mendon, kush është më i zgjuari: ai që di, apo ai që ka?
– Ai që di të ketë!
– Sa të vështira ka në këtë botë?
– Për disa, aq sa parti krijohen…
– Cila është gjëja më ë lehtë?
– Të japësh këshilla.
– Po gjëja më e vështirë?
– T’i zbatosh vetë këshillat që u jep të tjerëve.
– Si mund të ngushëllohesh kur humbet një dashuri?
– Duke menduar se ka disa më fatkeqë, që dashurinë nuk e humbasin dot, pasi nuk e kanë shijuar kurrë…
– Kur e ke ndier veten më të lumtur?
– Atëherë kur ëndërrova sikur kisha krijuar ndenjën e njërëzve të lumtur…
– Po më fatkeq?
– Kur u zgjova të nesërmen…
– C’do të thotë të jesh parimore?
– Të mos mungoj asgjë, përveç parimeve!
– A mund të ketë diplomat hipokriti?
– Posi jo…sepse edhe diplomati tjetër mendon e tjetër thotë…
– Pse mendon se e vërteta duhet përsëritur shpesh?
– Sepse shpesh përsëritet edhe gënjështra.
– Cili profesion të duket më i pëlqyeshëm?
– I kam zili veterinerët, klientët e tyre nuk ankohen dhe nuk i kritikojnë kurrë, edhe kur veterinerët gabojnë!
– Sikur ta filloje jetën sërsht, çfarë profesioni do të zgjidhje?
– Do të bëhesha astronaut, të jetoja në Hënë dhe t’i kaloja pushimet verore në planetin Mars…
– Dëshiron më mirë të kesh një mik të zgjuar apo një mik budalla?
– Dëshiroj të kem miq dhe armiq të mençur!
– Cili mendoni se është sekreti i jetë së gjatë?
– Të mos i numurrosh kurrë vitet që ikën, dhe ti shumëzosh orët e ardhshme.
– Sikur nuk mu duke shumë e kënaqur nga përgjigjet që më ke dhënë deri më tani?
– Që të japësh përgjigje të zgjuara duhet të dëgjosh më parë pyetje të mençura.
– Cila mendon se është gjëja më e rëndësishme?
– Që vdekja të na gjej gjallë!