Projekti u realizua në kuadër të nismave për përmirësimin e shëndetit dhe mirëqenies në mjediset shkollore në Shqipëri, me mbështetjen e Save the Children. Ato u fokusuan në vlerësimin e situatës aktuale në shkolla, rritjen e kapaciteteve të stafit arsimor dhe identifikimin e nevojave konkrete të nxënësve në lidhje me shëndetin fizik dhe mirëqenien e përgjithshme.

Projekti i parë, “Shkolla për Shëndetin”, u zhvillua në katër qytete kryesore dhe kishte si qëllim vlerësimin e indeksit të shkollave, përmes pyetësorëve dhe ndërhyrjeve të strukturuara që ndihmonin në evidentimin e nevojave shëndetësore të nxënësve dhe planeve të shkollave për mirëqenie.

Ndërsa projekti i dytë, “Shkolla dhe Shëndeti”, u fokusua në forcimin e kapaciteteve të mësuesve të edukimit fizik përmes trajnimeve onsite dhe online, duke përfshirë rajone të ndryshme të vendit dhe duke nxitur një qasje më të standardizuar dhe bashkëkohore në edukimin për shëndetin.